رسالة الى الفخفاخ : وحدك تلعب في الميدان

رسالة الى الفخفاخ : وحدك تلعب في الميدان 

النهضة، الفخفاخ، تونس، الفساد، الاغتيالات، حربوشة أخبار
الفخفاخ النهضة

كتب مختار شهاب بريتي:

السيد رئيس الحكومة : هاك وحدك تلعب في terrain وأنت دخلت في حرب كسر العظام مع النهضة وانقطعت جميع اشكال التواصل بينكما الى للأبد . نحبك تفضحهم وتخرجلهم بالوثائق مش تصريحات وكلام ، نحبو بالوثائق والحجة والدليل امام الراي العام ملفات التسفير و التعويضات والاغتيالات والتخابر مع الخارج والسرقات وغيرها من الملفات اللي يحكي فيها شطر الشعب (نزل 4 و5 نجوم ومعامل ياجور ويخت وطرناطة ديامونت... ). هكاك تكسرلهم العمود الفقري متاعهم جملة وتفصيلا وترتحنا منهم . خاطر كان الحكاية صحيحة 90 بالمائة من اتباعهم باش يسلمو فيها ويدوروا عليها لأن الشريف لا يناصر مجرما أو لصا أو عميلا وتذهب النهضة الى مزبلة التاريخ. واذا مش صحيح خلي برشا عباد تراجع رواحها ويعرفو ان الإعلام غلطهم وكانوا juste عايشين في اوهام واكاذيب خاطر 99 بالماءة من كارهي النهضة كرهوها على ما يروجه الإعلام ( ناس بكري قالو كلمة الصباح وكلمة العشية ترد المسلمة يهودية فما بالك ماكينة الإعلام تخدم 24/24 و7/7) .انت رئيس حكومة والوزراء رهن اشارتك باش يجيبولك أي ملف يدين النهضة وخاصة كوادرها وأنت توّا في وضع مريح وما فما حتى وزير نهضاوي باش تقول خبّى علي الدوسيات ، وزيد عندك عبّو اللي لاهي بمكافحة الفساد داخل معاهم في حرب ويلوجلهم حتى على ربع ملف واكثر من هكا الرئيس معاك وجل الملفات اللي تهم الامن القومي عندو ومساندك في كل خطوة وظاهر أنو في خلاف عميق مع النهضة. فرصتك يا سي الفخفاخ ما تفلتهاش . والا الي نسمعو فيه 10 سنين juste لوبانة باش نلوكوها وننسو السرقة واللصوصية والعمالة والاجرام الحقيقي . نعرف أنو رئيس الحكومة مش باش يقرا ها التدوينة هذه رغم اني سانشرها على صفحته لكن أنت يا كاره النهضة هل تساءلت بينك وبين روحك لو كان ما يقوله الإعلام عنها صحيح علاش الفخفاخ اللي أعلن عليها الحرب ما يكشفهاش بالدليل قدام 12 مليون تونسي زعمة حاشم؟ الحقيقة هي ما نصبو إليها جميعا حتى لا يحسب علينا أننا كنا اغبياء ومواطنين برتبة بڨاري أو "تكركيرة " لاعلام تونس 7 .
أحدث أقدم